24-vjetori i FRESSH, Majko uron socialistët: Për të kuptuar ku shkon duhet të dish nga vjen

Forumi Rinor Eurosocialist Shqiptar feston sot 24- vjetorin e tij.

Deputeti socialist dhe ish- Kryeministri Pandeli Majko ka uruar në këtë ditë miqtë e tij me anë të një postimi në rrjetin social “Facebook”.

“Urime miqtë e mi të vjetër dhe të rinj. Për të kuptuar ku shkon duhet të dish nga vjen. Sot, FRESSH-i ynë mbush 24 vjeç”, shkruan Majko.

“I papërsëritshem si çdo ëndërr që vazhdon rrugëtimin me të tjerë protagonistë. Faleminderit, që ishit dhe jeni”, shkruan Majko, i cili e shoqëron postimin e tij me foto nga helikopterët e NATO-s gjatë luftës në Kosovë, periudhë kur Majko ishte Kryeministër.