AAK do kthehet në Kuvend, kur të diskutohet për Demarkacionin

Aleanca për Ardhmërinë e Kosovës nuk do të marrë pjesë në seancën e nesërme të Kuvendit të Kosovës.

Kështu bëri të ditur nënkryetari i kësaj partie, Ali Berisha, në një konferencë për shtyp, ku theksoi se “ky vendim për bojkotim të seancave do të vazhdojë derisa në Kuvend të trajtohen çështja e Demarkacionit dhe Asociacionit”.

Sipas tij, vendimi i AAK-së është që të kundërshtohen këto dy marrëveshje me mjete demokratike brenda dhe jashtë Kuvendit”.

Nënkryetari i AAK-së, Berisha tha se kur AAK të kthehet në Kuvend nuk do të përdorë gaz lotsjellës.