Afera e CEZ/ Ja kur dëshmon Shkëlzen Berisha

Komisioni hetimor parlamentar për privatizimin e kompanisë OSHE nga kompania çeke CEZ, ka shtyrë seancën për të mërkurën, më 1 shkurt.

Ndërkohë, Komisioni ka vendosur thirrjen në cilësinë e dëshmitarit të Shkëlzen Berishës djalit të ish-kryeministrit demokrat Sali Berisha.

Sipas kryetarit të komisionit Taulant Balla thirrja e këtij dëshmitari vjen si rrjedhojë e përmendjes së emrit të tij në disa deklarata të disa dëshmitarëve.

Gjithashtu komisioni ka kërkuar ndihmën e policisë për të sjellë në seancën e radhës edhe të dëshmitarit Arben Doçi, ish-drejtor i parandalimit dhe pastrimit të parave në ministrinë e financave, i cili nuk është paraqitur pas thirrjes së komisionit për të dëshmuar.