AK zgjedh Servete Grudën zëvendëskryetare të konkurrencës

Autoriteti i Konkurrencës ka zgjedhur prof.Servete Grudën,  zëvendëskryetare të Komisionit të Konkurrencës.

Sipas nenit 21 të ligjit të Konkurrencës, zëvendëskryetari zgjidhet me shumicën e votave të të gjithë anëtarëve dhe sipas nenit 25 të ligjit zv.kryetari kryen funksionet e kryetarit në mungesë të këtij të fundit.

Sipas vendimit nr. 347, datë 16.02.2015 të Komisionit të Konkurrencës “Për zgjedhjen e Zëvendeskryetarit të Komisionit të Konkurrencës”, znj.Gruda do të mbajë pozicionin e numrit 2 të Autoritetit i cili drejtohet prej më shumë se 8 vitesh nga Lindita Milo (Lati).

Komisioni i Konkurrencës është organi vendimmarrës i Autoritetit dhe përbëhet nga pesë anëtarë. Ai vepron si një organ kolegjial i përhershëm.