Aksesorët e “njerëzve të drejtësisë”

Vëzhgim i “Fiks Fare”

Gjyqtarët dhe prokurorët në konferencën e djeshme, ku ambasadori Lu foli pa dorashka dhe i këshilloi hapur ata që janë të korruptuar, ishin munduar që të ishin sa më të thjeshtë në veshjet e tyre, por edhe në aksesorët që mbajnë, si ora, celularë, çanta, unaza etj. Por, emisionit investigativ “Fiks Fare” në “Top Channel” nuk i kanë shpëtuar disa detaje interesante gjatë konferencës së djeshme gjyqësore, të cilat janë filmuar dhe fotografuar, duke nxjerrë në pah anën luksoze, që dje u tentua të mbahet e fshehtë. Madje, nga një kërkim në internet, rezulton se këta aksesorë kushtojnë disa mijëra dollarë, duke i dhënë të drejtë ambasadorit amerikan në deklaratën e tij, se disa mbajnë ora më të shtrenjta se makina e tij.