Aktakuzë për shpëlarje të 170 mijë eurove

Prokuroria Speciale ngriti aktakuzë për shpëlarje parash ndaj një personi nga Prizreni me inicialet V.F.

Në një komunikatë, Prokuroria Speciale njoftoi se ka ngritur aktakuzë ndaj personit me inicialet V.F. nga Prizreni për shpëlarje të parave.

“Prokuroria Speciale e Republikës së Kosovës ka ngritur sot aktakuzë në Gjykatën Themelore në Prizren kundër të pandehurit V.F. nga Prizreni për vepër penale shpërlarje parash,” thuhet në komunikatë.

Sipas prokurorisë këto veprime i akuzuari i kreu që nga viti 2014.

“I pandehuri V.F. gjatë periudhës kohore 2014-2016, ka pranuar mjete monetare nga një person NN. Së pari ka deponuar në xhirollogari personale nënvlerën prej 10,000€, pastaj të njëjtat, menjëherë i ka transferuar për në shtete jashtë Republikës së Kosovës, Kinë, Zvicër etj,” thuhet në komunikatën e prokurorisë.

Sipas aktakuzës, “i pandehuri në këtë mënyrë kishte vepruar në 17 raste, ku shuma e transfereve arrin vlerën mbi 170,000€”.

Prokuroria thotë se duke pranuar provizion për këtë transferim që ia mundësoi personin NN të bëjë shpëlarje parash, edhe vetë i akuzuari ka kryer një vepër të tillë.

Aktakuza është ngritur nga një prokuror special i vendit, ndërsa ai sipas komunikatës

I pandehuri, në këtë mënyre, kishte pranuar provizion dhe ia kishte mundësuar personit NN, shpërlarjen e parave, gjë që edhe vet kishte kryer veprën penale “shpërlarje parash”, e paraparë me ligjet e lartcekura.

Aktakuza është ngritur nga një prokuror vendës, i PSRK-së, i cili ka propozuar Gjykatës, që i pandehuri të shpallet fajtor dhe të dënohet sipas ligjit.