Alarm fals për bombë, një kinez harron çantën në aeroportin e Rinasit

Alarm fals për bombë në aeroportin e Rinasit. Një telefonatë e mbërritur në Postën e Policisë së aeroportit “Nënë Tereza” ka vënë në lëvizje unifomrat blu të kryeqytetit.

Pas marrjes së alarmit, shërbimi i sigurisë së aeroportit nisi kontrollet. Drejt aeroportit të Rinasit u nisën dhe forca nga Drejtoria e Policisë.

Alarmi për bombë erdhi pasi në tualetet e terminalit u gjet një valixhe e dyshimtë. Forcat xheniere e morën valixhen për t’i bërë një shpërthim të kontrolluar dhe pas shpërthimit nuk u gjet asnjë send i dyshimtë. Pas kontrollit të kamerave të sigurisë së aeroportit doli se çanta ishte harruar nga një shtetas kinez.