Alarm për sulm kimik në tre konsullata të huaja në Stamboll

Ekipe turke të sigurisë ndërhynë sot në Stamboll në konsullatat e Kanadasë, Belgjikës dhe Gjermanisë, tre vende anëtare të koalicionit antixhihadist, prë shkak të disa letrave që përmbanin një pluhur të dyshimtë, njoftuan autoritetet.

“Një person që punonte në konsullatën kanadeze u ekspozua drejtpërdrejtë ndaj kësaj substance që vazhdon të jetë duke u analizuar”, njoftoi agjencia turke e menaxhimit të situatave urgjente (AFAD).

“Persona të AFAD-it që mbajnë maska dhe veshje për mbrojtjen kundër rreziqeve kimike ndodhen ende në ambientet e konsullatës gjermane dhe asaj belge për operacione për pastrimin nga ndotja”, sipas gazetarëve në terren.

Ky alarm erdhi atëher kur shumë vende perëndimore kanë përforcuar masat e tyre të sigurisë kundër një kërcënimi të mundshëm të grupit xhihadist të Shtetit Islamik (ISIS), që ka rrethuar prej një muaj qytetin sirian kurd të Kobanes, në afërsi me kufirin turk.