Ambasada e SHBA, pezullim vizash për 70 gjyqtarë e prokurorë
Ambasada e SHBA-ve në Tiranë ka revokuar vizat e shumë gjyqtarëve e prokurorëve.
Pak ditë nga vendimi i ambasadës amerikane për pezullimin e vizave të funksionarëve të drejtësisë ReportTv e Shqiptarja.com mësojnë se janë 70 zyrtarë të cilët janë prekur nga ky vendim dhe nuk lejohen të shkelin në territorin amerikan deri në një vendim të dytë.
Këtë të enjte i pari zyrtarë që pranoi se ambasada i ka revokuar vizën ishte Kryeprokurori Adriatik Llalla ndërsa po ashtu u sqarua se viza i është refuzuar dhe shefes së sektorit të dekriminalizimit, prokurores Rovena Gashi.
Por kjo listë ka prekur të gjithë gjyqtarët e Gjykatës Kushtetuese, gjyqtarët e Gjykatës së Lartë, si dhe drejtuesit e prokurorive në rrethe.
Kjo listë me 70 zyrtarë nuk është bërë publike nga ambasada ndërsa sipas burimeve për ReportTv e shqiptarja.com thanë se ajo prek dhe një pjesë të mirë të familjarëve të tyre pasi gjatë pajisjes me vizë zyrtarët kanë aplikuar në çift si bashkëshort.
