Amber flet për dhunën e ushtruar nga Johny Depp

Dita e kaluar shënonte ditën kundër dhunës ndaj grave dhe kjo është dita kur Amber Heard ka vendosur të flasë hapur për dhunën që i është ushtruar nga ish-bashkëshorti i saj Johny Depp nga i cili u nda pak muaj më parë.

Ajo tregon me lot në sy eksperiencat e saj të tmerrshme dhe bën të qartë se kur dhunime të tilla të vijnë nga njeriu me të cilin je dashuruar vështirësia dhe dhimbja dyfishohen.

“Nëse do të kishte qenë një i huaj është diçka e pranueshme dhe kalimtare për sa i përket traumave që një femër mund të kalojë, por të dhunohesh nga një person që e do, kjo është e papërballueshme”, ka thënë Amber.

Gjithashtu ajo shton se femrat duhet të qëndrojnë të bashkuara dhe të përpiqen me çdo kusht të jenë të forta për veten e tyre dhe të raportojnë çdo rast dhunë pa ju nënshtruar askujt.