Ana Lalaj hap dosjet e luftës përmes librit
Historiania Ana Lalaj në librin e saj të ri “ Dosjet e Luftës” sjell fakte të reja për Luftën e Dytë Botërore: që nga ikja e shumë përfolur e Ahmet Zogut dhe hyrja në Tiranë e partizanëve të Enver Hoxhës, lufta civile në Shqipëri dhe ndihmat britanike.
Arkivat e luftës vijnë në një këndvështrim të freskët nga historian Ana Lalaj. Studiuesja rrok në këtë libër njëqind vitet e shtetit shqiptar, por theksin Lalaj, thotë se e ka vënë kryesisht tek lufta e dytë botërore, e parë në dy këndvështrime.
“Pati dy aspekte shumë pozitive. Së pari pozicionimin e shqiptarëve në krahun e aleatëve dhe së dyti them se në statusin e paqartë që kishte Shqipëria gjatë luftës së dytë botërore në këndvështrimin e aleatëve, pikërisht kjo luftë, pjesëmarrja e shqiptarëve në të bëri që të ruhet integriteti i Shqipërisë, ai integritet që ajo kishte, para luftës dhe e cila ishte vënë në pikëpyetje gjatë luftë”,wshtw shprehur historiania Ana Lalaj.
Në këtë libër, historiania jep edhe një përgjigje largimit të shumë përfolur të Ahmet Zogut nga Shqipqria.
“Ai ishte në pozitë të vështirë dhe unë kam vënë dokumente aty se çfarë mendojnë të huajt për largimin e tij”, ka theksuar Lalaj.
Tema e rishkrimit të historisë sipas, Lalajt është një debat i hapur në këto njëzet vitet e fundit, por ky qëllim sipas historianes realizohet vetëm nëse gjithçka shkruhet dhe faktohet me dokumente.
