Në një prononcim për mediet, Angoni u bëri thirrje qytetarëve të Shkodrës të marrin pjesë në votime për të shprehur votën e tyre, të drejtë kushtetuese që ua garanton ligji.
“Të kemi votim sa më të qetë dhe të japim mesazhe se Shkodra është e kulturës dhe e paqes. Ashtu siç ka qenë kjo fushatë, duhet të jetë dhe përmbyllja e rezultatit final të kësaj fushate”, tha Angoni.
“Deri tani pjesëmarrja është relativisht ka filluar me lëvizë. E rëndësishme është se nuk kemi informacion për mosfunksionim të qendrave të votimit”, tha Angoni.
E pyetur nga gazetarët lidhur me procesin e votimit në Dukagjin, Angoni tha se “ne po bëjmë të pamundurën që të hapen qendrat e votimit megjithë kushtet e vështira të motit. Puna ka nisur që mbrëmë dhe tani që po flasim, procesi po ecën, dhe nga momenti në moment procesi po ecën dhe shpresojmë të marrë drejtimin e duhur”.
“ Unë dëshiroj që pjesëmarrja në këto zgjedhje të jetë sa më e madhe, që gjithë se cili të shprehin vullnetin e vet dhe është e drejtë kushtetuese që duhet medoemos ta shfrytëzojë çdo qytetar. Mendoj se ora e ndryshimit ka ardhur”, deklaroi kandidatja e PS-së për Bashkinë Shkodër.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.