Arjan Hoxha emërohet drejtor i përgjithshëm i Burgjeve
Pas paktit mes kryeministit Rama dhe kreut të PD, Basha, Arjan Hoxha është emëruar drejtori i ri i Burgjeve.
Hoxha zëvendëson në këtë detyrë tashmë ish-drejtorin, Miklovan Kopani. Hoxha mbante më parë detyrën e ish-shefit të Antikrimit Financiar.
Drejtori i ri ka arrestuar edhe babain e Sajmir Tahirit, Bashkim Tahirin të dyshuar për kontrabandë ilaçesh.
Ai u lirua nga detyra gati një muaj pasi PS-ja mori pushtetin bashkë me 7 efektivë të tjerë. Siç deklaronte vetë Hoxha lirimi nga detyra ishte pasojë e hakmarrjes politike nga ministri i Brendshëm, i asaj kohe Sajmir Tahiri.
Përveç ministrave, marrëveshja PS-PD parashikon edhe zëvendësimin e 5 drejtorive të rëndësishme.
Ata janë: Drejtori i OSHEE, Drejtori i Përgjithshëm i Aluiznit, Drejtori i Përgjithshëm i Hipotekave, Drejtori i pergjithshem i Burgjeve, Drejtori i përgjithshëm i Agjencisë së Zhvillimit Bujqësor e Rural. Sipas paktit Basha-Rama, kandidaturat e mësipërme do të jenë propozim i opozitës.
