Arrest me burg falsifikatorëve të dyshuar të Karaburunit

Gjykata e Vlorës caktoi masën e sigurisë “arrest me burg” për katër personat e ndaluar të dyshuar si të përfshirë në falsifikimin e dokumentave për 220 hektarë truall në plazhin e Shën Vasilit në Karaburun.

Arrest me burg ishte edhe masa e kërkuar nga ana e Prokurorisë për Rajmond Mezin, në emër të të cilit është regjistruar prona, Enkes Hysendhima, avokat, Blerina Dhrami, ish-nëpunëse e Zyrës së Regjistrimit të Pronave të Paluajtshme në Vlorëm dhe për shtetasin P.P., që është dhënë në mungesë pasi nuk është arrestuar ende nga policia.

Ndërkohë, për Bleona Serajn, notere, gjykata ka vendosur masën e sigurisë arrest në shtëpi për shkak se ka fëmijë në moshë të vogël dhe e njëjta masë sigurie u vendos edhe për Donika Besimaj për shkak të moshës.