Arrestohet deputeti Mark Frroku, mbërrin në Drejtorinë e Policisë së Tiranës

Pas mbërritjes së shkresës së Parlamentit, me anë të së cilës autorizohej Prokuroria për të arrestuar deputetin e PKD-së, Mark Frroku, policia ka vepruar menjëherë duke bërë ndalimin e tij.

Kanë qenë efektivët e Komisariatit numër 6 në kryeqytet që kanë bërë ekzekutimin e urdhrit të ndalimit ndaj Frrokut, i cili akuzohet nga autoritetet belge për një vrasje në Belgjikë. Frroku ka mbërritur tashmë, për të dytën herë si i akuzuar, në Drejtorinë e Policisë së Qarkut Tiranë, ku do të përballet me akuzën për vrasjen në Belgjikë. Pritet që Prokuroria të kërkojë nga Gjykata masën e sigurisë “arrest me burg” deri në përfundim të hetimeve.