“Balmain Kids” në një koleksion veror për modelet e vegjël

Mama nga e gjithë bota, vëmendje: pas krijimit të veshjeve për të voglën North, për t’iu përshtatur veshjeve të nënës së saj, Kim Kardashian, stilisti Olvier Rousteing ka vendosur të zbresë në fushë për t’u kujdesur të veshë po kaq bukur të gjithë fëmijët e botës.

Mendja gjeniale dhe krijuese e Balmain, ka njoftuar prezantimin e ardhshëm të një koleksioni për fëmijë, i cili do të lancohet në muajin qershor. Veshjet do t’u përkasin grupmoshave mes 6 dhe 14 vjeç, dhe siç tregohet nga imazhet e para të fushatës, lajmi është përhapur më parë në rrjetin social Instagram: 55 liderë do të jenë pjesë e “Balmain Kids”, një versioni të ri, të parë veshur nga anëtarët e këtij grupi modelësh të vegjël, #BalmainArmy, që renditet mes bukurive të sërës së Gigi Hadid, Kendall Jenner, Bella Hadid dhe Joan Smalls, si dhe të gjithë anëtarëve “jozyrtarë”, të cilët e kanë bërë stilin e Rousteing firmën e tyre, ashtu si dhe vetë Znj. West.

Dhe është pikërisht mikesha Kim dhe e vogla North, që u bënë frymëzim për koleksionin e ri: “Mendoj se nisa të konceptoj këtë linjë mode për fëmijë kur vesha North, – konfirmoi Rousteing për revistën “Vogue”. – Bisedova me Kim dhe ishte hera që me të vërtetë kuptova se universi Balmain mund t’i përkiste edhe fëmijëve”, pohoi stilisti Rousteing.