Bamieh: Menaxhmenti i EULEX-it mafioz
Prokurorja britanike, Maria Bamieh, ka dorëzuar mbi 40 faqe argumente në Zyrën Kundër Mashtrimeve në Bruksel (OLAF), dhe Ombudsperson për shkeljet ligjore në EULEX. Në fillim të ankesës, që bart datën shtator 2014, Bamieh përshkruan në detaje të gjitha shkeljet, shkruan sot Koha Ditore.
Ua kujton këtyre autoriteteve se i ka 30 vjet përvojë pune si juriste e kualifikuar, gjatë së cilës kohë për tetëmbëdhjetë vjet të plota ka qenë prokurore.
“Kam fituar shumë raste të mëdha, të ndjeshme, vetëm në Kosovë”, shkruan ajo në ankesë.
Bamieh bën një përshkrim të detajuar të dyshimeve të para të ngritura për përfshirje të gjyqtarit Francesco Florit në korrupsion në rastin Tolaj që kishte nisur në vitin 2011.
Në letrën e ankesës përshkruan detajet e dyshimeve për përfshirje edhe të kryeprokurores Jaroslava Novotna në korrupsion.
“Kam pasur takim për çështjen e parkingut, pasi ma dhanë vërejtjen. Ishte marrë vendim në takimin me HOM-in që Matts Mattson të emërohej për mbikëqyrje që unë të mos viktimizohesha prej Jonathan Ratelit dhe Jaroslava Novotnas. Në takim ishte i pranishëm edhe Jarmo Helppikangas, drejtues i Divizionit ligjor. Dhe Matts mori përsipër këtë punë”, ka shkruar ajo.
“Por nuk bëri asgjë”.
