Basha: Nuk largohemi pa zgjedhje të lira e të ndershme

Opozita vijon sot në ditën e katër të protestës së saj, që po zhvillohet në sheshin përpara kryeministrisë, në Bulevardin Dëshmorët e Kombit.

Kreu i PD, Lulzim Basha është shprehur i vendosur se protestuesit nuk do lëvizin pa marrë garanci për zgjedhje të lira e të ndershme.

“Nuk duam më fasada. Duam ta shtrijmë protestën anembanë Shqipërisë, asgjë nuk do jetë më si më parë, deri sa zëri i shqiptarëve për zgjedhje të lira të dëgjohet dhe vullneti i tyre të respektohet.

Ta rrëzojnë këtë qeveri, si garancia e vetme që mos të rrëzojë të vetmin institucion që e mban vendin në këmbë, zgjedhjet e lira.

Të qëndrojmë këtu sa të largojmë qeverinë dhe ti japim zgjidhjen që meritojnë shqiptarët”, tha Basha.