Basha takon Merkelin: E falënderova për mbështetjen ndaj Shqipërisë

Kryetari i Partisë Demokratike, Lulzim Basha me ftesë të Kancelares Angela Merkel ka marrë pjesë në punimet e Kongresit të CDU-së, në Essen të Gjermanisë.

Zyra e shtypit e PD-së thotë se Basha ka biseduar me kancelaren Merkel.

“E falenderova atë për ndihmën ndaj Shqipërisë dhe shpreha nevojën që ka vendi ynë për mbështetjen gjermane jo vetëm për integrimin në BE, për edhe për të luftuar krimin, korrupsionin dhe për të garantuar demokracinë në vend.

Dua t’i siguroj të gjithë shqiptarët se mbështetja e kancelares Merkel për Shqipërinë dhe shqiptarët do të jetë e palëkundur”, shprehet më tej Basha.