BE 650 milionë euro për Shqipërinë

Deri në vitin 2020, Shqipëria do të përfitojë 650 milionë euro fonde nga Bashkimi Evropian.

Një pjesë e tyre janë shpenzuar, ndërsa pjesa tjetër do të investohet në vijimësi. Sipas BBC-së, paratë e dhëna shpenzohen për ndërtimin e rrugëve të reja, për stacionet e policisë si dhe për burgjet.

Në artikullin e saj për vendin tonë, BBC-ja përmend shumën në fjalë për përpjekjet e Shqipërisë për t’u integruar në Bashkimin Evropian.

Vende të tjera në rajon, duke përfshirë edhe Serbinë, Kosovën dhe Maqedonisë, po ashtu shpresojnë të bashkohen me BE-në. Sipas BBC-së, udhëheqësit e Shqipërisë mbeten optimist, megjithëse anëtarësimi mbetet ende larg. Vendi ynë e ka marrë “statusin e kandidatit” në vitin 2014.

“Shumë shqiptarë besojnë se anëtarësimi në BE, është e vetmja mundësi për të ndihmuar vendin që të largojë shpirtin e fantazmës së Enver Hoxhës dhe trashëgiminë e tmerrshme të regjimit të tij”.