BE: Vendimi për F-16, vrull për dërgimin e avionëve luftarakë në fushën e betejës ukrainase
Vendimi i SHBA-së për të lejuar trajnimin e pilotëve ukrainas për të fluturuar me F-16, ka krijuar një vrull të pashmangshëm i cili në fund do t’i çojë avionët luftarakë në fushën e betejës ukrainase.
Kështu është shprehur shefi i politikës së jashtme të BE-së, Josep Borrell, duke shtuar se: “E dini, është gjithmonë e njëjta gjë, ne diskutojmë, në fillim të gjithë hezitojnë.”
Borrell dha shembullin e debatit të gjatë dhe kundërshtimit fillestar ndaj dërgimit të tankeve të avancuara të betejës Leopard në Ukrainë. Dhe në fund, me Leopardët e tashmë me F-16, vjen vendimi për të ofruar këtë mbështetje ushtarake sepse është absolutisht e nevojshme.
Borrell tha se trajnimi për pilotët ukrainas kishte filluar tashmë në Poloni dhe disa vende të tjera. Holanda dhe Danimarka po bëjnë gjithashtu plane për një trajnim të tillë.
Nuk është marrë asnjë vendim për dorëzimin real të avionëve luftarakë të gjeneratës së katërt, por trajnimi i pilotëve tani – një proces që zakonisht zgjat disa muaj – do të ndihmojë në përshpejtimin e gatishmërisë për betejë pasi të merret një vendim zyrtar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.