Berisha kërcënon Ramën: Do kalbesh në burg, ose do të hedhim në Lanë

Ish-kryeministri i Shqipërisë, Sali Berisha duke zëvendësuar Parlamentin me çadrën, tha sot se fatkeqësia e këtij vendit ka vetëm një emër, që sipas Berishës ai është Edi Rama.

Ai paralajmëroi kreun e ekzekutivit se ka dy rrugë për të, “ose burgu, ose do të hidhet në lumin e Lanës.”

“Jemi në ditën e 41 të fitores tonë, në ditën e 41 të marshit tonë të pandalur në fitoren tonë. Në ditën e 41, të një vendosmërie absolute për të mbrothur atë që është vlera më e shenjtë, votën e lirë.

Kjo betejë është një betejë vendimtare në të cilën ne nuk humbasim dhe nuk mund ta humbim kurrë. Sot jemi këtu për momentin disa qindra, por Rama ta ketë të qarte se në çdo moment që të vendosin këta qytetarë ky bulevard do të ketë qindra mijëra. Merri këto ditë si ditë mëshire që ti nuk e meriton. Them si ditë mëshire se duhet ta kesh të qartë, fundi yt është ose burgu ose fataliteti, rrugë tjetër nuk ke.

Meriton të kalbesh gjithë jetën në burgje, por ke edhe një alternativë, i bindur të jesh se me lecka do krehësh dhe do përfundosh në ujërat e Lanës aty ku e ke vendin”, tha Berisha.