Berisha: Nuk ka asnjë marrëveshje me Ilir Metën, vlerësoj kërkesën e LSI për konsensus
Ish-Kryeministri Sali Berisha deklaroi mbreme ne studion e News 24 se nuk ka asnje aleance te fshehte mes PD dhe LSI dhe se ai nuk ka ambicie per te marre postin e Presidentit te vendit. Nderkaq Berisha foli per një përpjekje të fortë të Edi Ramës për të asgjesuar Ilir Metën.
Sali Berisha ka një dëshirë të vetme politike për 2017-ën dhe kjo nuk është ambicie për President apo funksion tjetër të lartë politik.
Por te qenit në rolin e deputetit të thjeshtë, nuk i heq pasionin tjetër të tij për të lexuar dhe analizuar lëvizjet e liderëve politik të partisë së tij dhe atyre që udhëheqin koalicionin qeverisës. Sali Berisha sheh një përpjekje të fortë të Edi Ramës për të asgjesuar Ilir Metën dhe për t’u bërë lideri i vetëm i së majtës dhe kjo u dëshmua si në rastin e “CEZ-DIA” dhe në publikimin e përgjimeve të fundit, ndërsa dy aleatët zhvillonin disa takime radhazi për reformën në drejtësi.
Por nga ana tjetër ai i njeh aftësinë, ish-aleatit të tij për të qenë të paktën 5 hapa para kryesocialistit në lëvizje.
