Berisha për buxhetin 2024: Qeveria ka shpallur armik sektorin e bujqësisë

Partia Demokratike ka vijuar bisedat për buxhetin e vitit 2024. Kryetari i PD, Z. Sali Berisha zhvilloi bisedime ekspertë të fushës, ku u ndal në tre prej aspekteve kryesore që lidhen me bujqësinë, infrastrukturën dhe sektorin energjetik. Sipas Berishës historia e buxhetit është vetëm vjedhje nga qeveria.

Partia Demokratike ka vijuar bisedat në tryezat e diskutimit për buxhetin e vitit 2024.

Kryetari i PD, Z. Sali Berisha zhvilloi bisedime ekspertë të fushës në lidhje me buxhetin, ku u ndal në tre prej aspekteve kryesore që lidhen me bujqësinë, infrastrukturën dhe sektorin energjetik.

Sipas Berishës qeveria e ka shpallur prej vitesh armik sektorin e bujqësisë dhe Shqipërinë rurale.

Sa i përket infrastrukturës, Berisha tha se është faktuar që çmimi i rrugëve në Shqipëri është të paktën 10 herë më i lartë se sa çmimi që del nga manualet.

Edhe në fushën e energjisë, kreu i PD-së thotë se vjedhjet janë stratosferike.

Sipas Berishës historia e buxhetit është vetëm vjedhje dhe shifrat e majme përfundojnë në xhepat e qeveritarëve.