Biden: SHBA-ja ka bashkëpunuar me Turqinë për Bosnjen dhe Kosovën

Zëvendëspresidenti i Shteteve të Bashkuara të Amerikës, Joe Biden gjatë vizitës së tij në Turqi, para takimit me kryeministrin e vendit, Ahmet Davutoglu deklaroi se ”SHBA-ja dhe Turqia kanë bashkëpunuar në lidhje me çështjet e Bosnjës dhe Kosovës” dhe se ”miqtë nuk e lënë njëri-tjetrin kur janë në vështirësi”, njoftoi agjencia turke e lajmeve, Anadolu Agency (AA).

”Kam kënaqësinë që ndodhem në një vend mik dhe aleat si Turqia”, theksoi Biden.

“Miqtë nuk e lënë njëri-tjetrin në vështirësi. Më kujtohet se kemi bashkëpunuar për çështjet e Bosnjës dhe Kosovës”, shtoi ai.

Ai tha se dy vendet kanë bashkëpunuar gjithmonë për të zgjidhur çështje serioze rajonale.

“Ne kemi punuar gjithmonë së bashku për çështje të rënda rajonale dhe kombëtare. Aleanca jonë ushtarake është shumë e fortë dhe reciprokisht mbështetemi te njëri-tjetri”, përfundoi zëvendëspresidenti i Shteteve të Bashkuara të Amerikës, Joe Biden.