Bojaxhi: Të shpëtojmë Tiranën nga objektet komerciale

Kandidati i pavarur për Bashkinë e Tiranës, Gjergj Bojaxhi ka ftuar qytetarët e kryeqytetit që të mbrojnë hapësirat e gjelbëra që kanë mbetur.

Në një dalje për mediat, Bojaxhi ka folur për një referendum për të shpëtuar Tiranën nga objektet komerciale, që u përkasin sipas tij biznesmenëve klientë të klasës politike.

“Të marrim fatin e Tiranës në duart tona. Të mbajmë një referendum për të shpëtuar gjelbërimin e Tiranës nga objektet komerciale dhe t’i tregojmë kësaj klase politike se ne duam një qytet me standarde”, tha Bojaxhi.