Bozkir: Turqia shumë shpejt anëtare e zonës Schengen

Turqia do të bëhet shumë shpejt anëtare e zonës Schengen, deklaroi ministri turk për Çështjet Evropiane, njëkohësisht kryenegociator i vendit për në Bashkimin Evropian, Volkan Bozkir, njoftoi website-i World Bulletin.

Zona Schengen përfshin 26 vende evropiane që lejon qytetarët të kalojnë kufirin pa viza.

“Turqia do të bëhet shpejt anëtare e zonës Schengen”, deklaroi Bozkir për gazetarët gjatë një vizite në Luksemburg.

Komisioni Evropian filloi dialogun për liberalizimin e vizave me Turqinë më 16 dhjetor 2013 duke i vënë Ankarasë pesë kushte për të mundësuar që qytetarët turq të lëviznin në Evropë pa viza.