Britani, shteti do të financojë ilaçin që parandalon Sidën

Organizatat bamirëse që mbrojnë të infektuarit me HIV kanë fituar një betejë të rëndësishme gjyqësore mbi financimin e medikamentit parandalues të Sidës, pasi sipas tyre, ky lloj ilaçi do të jetë armiku kryesor i virusit vdekjeprurës.

Vendimi i gjykatës thotë se ky lloj ilaçi tani mund të financohet nga Shërbimi Shëndetësor Shtetëror britanik NHS i cili varet drejtpërdrejtë nga qeveria.

Por këta të fundit kundërshtojnë se nuk është përgjegjësia e tyre financimi i këtij lloji medikamenti të kushtueshëm duke thënë se do të apelojnë vendimin, madje edhe nëse kjo do të arrijë deri në kundërshtimin e zyrtarëve të lartë të shëndetësisë.

Sipas tyre, trajtimi është një shërbim parandalues dhe për këtë arsye financimi nuk është përgjegjësia e tyre. Përdorimi i ilaçit mendohet se e redukton me 90% përhapjen e virusit. Ajo është një kokërr që konsumohet një herë në ditë dhe kushton 400 dollarë në muaj për person.

Teza e zyrtarëve të shëndetësisë është që këtë ilaç t’ia japin homoseksualëve, pasi kryerja e marrëdhënieve intime mes të njëjtit seks është edhe një nga faktorët kryesorë që ka çuar në përhapjen e virusit vdekjeprurës.

Çdo vit në Mbretërinë e Bashkuar 4 mije njerëz infektohen me HIV.