Bumi turistik: Defektet që gjetën të huajt në Shqipëri këtë verë

“Një nga problemet ishte mungesa e informacionit. Shumë turistë kishin mungesë informacioni për të gjetur një adresë, hotelin, muzeun, pedonalen, bunkerin, stacionet e transportit publik etj….Duhet të kemi parasysh që ata e përdorin shumë transportin publik që të mos shpenzojnë shumë, pasi turistët që erdhën së fundi ishin turistë ekonomikë. Infrastruktura është problem prej vitesh dhe kjo rëndonte trafikuan dhe një destinacion që arrihej për 2 orë, mund të bëhej për 4 apo më shumë orë.

Duhet të kemi patjetër sinjalistikë nëpër plazhe dhe vende malore. Turistët e huaj që nuk merrnin çadra apo shezlongë, e shtronin peshqirin në parcela të privatëve që paguajnë taksa në bashki. Nga mungesa e sinjalistikës, shenjave, tabelave që njoftojnë se cili është plazh publik dhe cili jo, në disa raste janë krijuar edhe konflikte.
Mungesa e punëtorëve ishte shumë e dukshme në të gjithë zinxhirët e turizmit, agjencitë, operatorët, hotelet, restorantet, baret. Edhe ata të rinj që kanë mbetur nuk duan të punojnë. Fillojnë 1 muaj dhe e lënë punën. Një zgjidhje është rritja e pagave që punëtorët të kenë motiv që të punojnë në vendin e tyre dhe specifikisht në këtë sektor.”-shprehet Fjorida Zani, agjente turistike./TCH