Bushi shpall listën e Shpresave për miqësoren ndaj Uzbekistanit, 6 emra të rinj

Kombëtarja U-21 do të luajë një ndeshje miqësore kundër përfaqësueses së Uzbekistanit, si pjesë e përgatitjeve për Kampionatin Europian U-21 2027. Kuqezinjtë do të nisin përgatitjet nga e diela në Antalia të Turqisë, ku do të luhet edhe ky takim miqësor.

Në kuadër të kësaj përballjeje, trajneri Alban Bushi ka grumbulluar 24 lojtarë. Gjashtë futbollistët, të cilët vijnë për herë të parë në ekipin e Shpresave janë: Skander Tahri, Ammar Asani, Ergis Arifi, Benjamin Dibrani, Eron Gojani dhe Olsi Myrta.

Lista e plotë:

Portierë: Giulio Veliaj, Endri Dema, Skander Tahri

Mbrojtës: Enes Osmani, Fabjan Përndreca, Arlind Kurti, Gabriel Ramaj, Adi Kurti, Elton Fikaj, Ervin Bashi, Aurel Marku, Diar Vokrri

Mesfushorë: Ammar Asani, Ergis Arifi, Benjamin Dibrani, Feta Fetai, Aidon Shehu, Etnik Brruti

Sulmues: Kevin Dodaj, Erald Maksuti, Eron Gojani, Olsi Myrta, Rrok Toma, Ermir Rashica.

Ndeshja Shqipëri–Uzbekistan do të luhet më 30 mars në Antalia, në ora 14:30. Kjo miqësore do të transmetohet live në FSHF Tv.