Buxheti i vitit 2015, shpenzimet llogariten 470 miliardë lekë

Shpenzimet e buxhetit te vitit 2015 pashikohet të jenë 470 miliardë lekë, bënë të ditur për ATSH-në burime nga ministria e Financave.

Burimet thanë se drafti është drejt fundit dhe shumë shpejt do të mbërrijë në qeveri për miratim. Sipas burimeve nga ministria e Financave, fushat prioritare ku do të fokusohen dhe investimet janë arsimi, shëndetësia, bujqësia dhe infrastruktura, sektorë këta që kanë dhe ndjeshmërinë më të madhe sociale.

Referuar ligjit organik të buxhetit, projektbuxheti duhet të mbërrijë në qeveri deri në fund të muajit tetor dhe më pas në fillim të muajit nëntor të nisë diskutimin në komisionet parlamentare të Kuvendit. Miratimi i buxhetit nga Kuvendi, i hap rrugë më pas dekretimit nga Presidenti dhe botimit në fletoren zyrtare, për të qënë gati per zbatim me 1 janar.