Call Center 24 orë, dyfishohen telefonatat e abonentëve
Operatori i Shpërndarjes së Energjisë Elektrike (OSHEE) njoftoi të shtunën se numri i përdoruesve të marrjes së informacionit dhe zgjidhjes së problemit përmes sistemit call center është gati dyfishuar.
Nga muaji shkurt 2015 që ka nisur funksionimi, trendi i telefonatave është rritur nga 650 telefonata në muaj, kjo shifër pothuajse është trefishuar në janar 2016, falë besimit të krijuar mes nesh dhe abonentëve duke u krijuar atyre komoditet të telefonojnë pranë call center për të marrë shërbimin e kërkuar.
Në shkurt të 2015-ës, OSHEE riktheu në funksion qendrën e ofrimit të shërbimeve në distancë, përmes sistemit call center. Fluksi i pagesave të faturave të energjisë elektrike, trajtimi i kërkesë/ankesave, si dhe procesi i lidhjes së aktmarrëveshjeve kishin shtuar radhët në sportele.
OSHEE, ju përgjigj duke marrë një sërë masash, ndër to, rilidhjen e sistemit, trajnimin e punonjësve dhe vendosjen e tyre në gatishmëri me tre turne, 24 orë, si dhe vendosjen e numrit unik në të gjithë vendin 04 277 4141 (gjithashtu, funksionojnë edhe numrat dispecer, të ndara sipas rajoneve).
Florenc Rama, përgjegjësi i Sektorit për Qendrat e Kujdesit ndaj Klientit (KNK), shpjegon më me detaje funksionet e kësaj qendre, për çfarë shërben dhe cilat janë avantazhet e përdorimit të call center, rrjet i cili shumë shpejt do të zgjerohet.
“Ky numër telefoni shërben jo vetëm për të njoftuar operatorin në lidhje me defektet/mungesën e energjisë elektrike në zonën ku banon, por edhe për të marrë informacione të nevojshme. Me anë të këtij numri mund të udhëzohen për të kryer një ankesë në qendrat e KNK-ve, apo të interesohen për të mësuar statusin e ankesës apo kërkesës që kanë paraqitur.
Përmes kësaj qendre informimi në distancë, abonentët mund të njihen me statusin e kontratës së tyre, mund të pajisen më një password dhe username për të parë faturën online, për ta printuar ose paguar direkt, etj, pra ka shumë avantazhe.
