Çfarë fiton Maqedonia nga Zonat e lira ekonomike

Qeveria e Maqedonisë bën politikë tërheqëse për investuesit e huaj, duke i liruar ata nga taksat e ndryshme dhe duke u ofruar privilegje tjera, transmeton Telegrafi Maqedoni.

Sipas të dhënave të Bankës Popullore (BP) për vitin 2015, në Maqedoni kanë hyrë gjithsej 157 milionë euro investime të huaja.

Drejtori i Drejtorisë së zonave teknologjike-industriale, Viktor Mizo, thotë se këto katërmbëdhjetë zona ofrojnë 5000 vende të reja pune dhe rritje të theksuar të eksportit. Megjithatë, Regjistri Qendror tregon një realitet tjetër. Sipas këtij Regjistri, në këto zona, deri në fund të vitit 2014, janë punësuar 3187 persona.

Rroga mujore e të punësuarve në zonat teknologjike-industriale është 325 euro, që është e ngjashme me ata punëtorë që punojnë në kompani vendore, ndërkaq dallimi është se investorët e huaj kanë mbështetjen e shtetit.

Duke mos patur raporte detale dhe transparente, OJQ-të janë ata që mundohen të arrijnë në të dhëna të sakta të cilat do të ndihmonin në informimin më të saktë rreth çështjes së punëotrëve dhe rrogave, e përfitimeve tjera.