“Charlie Hebdo”, terroristët marrin peng një ndërmarrje. Shkëmbim zjarri me policinë, dyshohet për persona të plagosur

Operacioni i forcave speciale franceze në ndjekje të vrasësve të dyshuar kundër redaksisë së revistës satirike “Charlie Hebdo”, duket se po i afrohet fundit.

Mësohet se janë dëgjuar të shtëna të fuqishme dhe ka pasur shkëmbim zjarri në orët e para të mëngjesit të sotëm mes policisë dhe dy vëllezërve Kouachi në qytezën Dammartin-en-Goele, ku duket se janë fshehur.

Sipas mdieve franceze, dy terroristët janë rrethuar në një ndërmarrje, ku kanë marrë peng edhe disa persona. Për herë të fundit ata u panë dje në mbrëmje nga helikopterët e e policisë në vrilindje të Parisit.

Sipas gazetës “Le Parisien”, raportohet se nga pengmarrja e personave në ndërmarrje, dy persona kanë mbetur të vdekur dhe rreth 20 janë plagosur.

Por më pas lajmi është përgënjeshtruar nga Prokurori i Përgjithshëm i Francës, i cili ka konfirmuar se dyshohet të ketë vetëm të plagosur.

Zona është rrethuar totalisht dhe mësohet se policia nuk ka lejuar as mediet të informohen apo t filmojnë. Edhe kreu i bashkisë së Dammartin ka konfirmuar pengmarrjen në zonën industriale. Policia ka nisur negociatat me vëllezërit Kouachi për lirimin e pengjeve, duke mos tentuar për momentin asnjë aksion që mund të shkaktonte një kasaphanë të vërtetë mes personave që mbahen peng në fabrikë.

Në përditësim