Çollaku në Estoni, do të takohet me ministren e Jashtme

Në vazhdën e intensifikimit të komunikimit me shtetet anëtare të BE-së, ministri i Integrimit Evropian në qeverinë e Kosovës, Bekim Çollaku, udhëton sot për në Estoni, ku do të takohet me ministren e Punëve të Jashtme të këtij shteti, Marina Kaljurand.

Në takim do të bisedohet për procesin e liberalizimit të vizave për qytetarët e Kosovës, nënshkrimin e Marrëveshjes së Stabilizim Asociimit (MSA), anëtarësimin në UNESCO si dhe bashkëpunimin bilateral mes të dyja vendeve.