Çollaku: Së shpejti një regatë e përvitshme mes Barit dhe Vlorës
Shqipëria dhe Italia do të rrisin bashkëpunimin në sektorin e turizmit e konkretisht atij detar. Drejtori i Agjencisë Kombëtare të Turizmit, Ardit Çollaku zhvilloi një vizitë pune në Bari të Italisë me ftesë të drejtuesve të Assonautica-s italiane.
Kreu i AKT-së, Ardit Çollaku bëri të ditur se gjatë takimit u fol për mënyrat e bashkëpunimit mes dy vendeve tona në sektorin e turizmit e konkretisht atij detar.
“Folëm për mënyrat e bashkëpunimit mes dy vendeve tona në sektorin e turizmit detar. Së shpejti do të fillojmë edhe organizimin e një regate të përvitshme mes Barit dhe Vlorës, e cila për vitin e ardhshëm mendohet të ketë pjesëmarrjen e afro 200 barkash”, u shpreh Çollaku.
AI informoi po ashtu se gjatë vizitës në Itali u takua edhe me kryetarin e bashkisë së Tarantos, Ippazio Stefàno, me të cilin ranë dakord për bashkëpunim dypalësh. Me kreun e bashkisë së Tarantos, shprehet Çollaku, folëm edhe për traditat historike që kanë vendet tona dhe rolin e madh që ka komuniteti arbëresh në këtë zonë.
