Debati për arsimin, Rama: Kuotat bosh do të plotësohen

Kryeministri Edi Rama ka reaguar në Facebook pas komenteve të deputetëve demokrat për një numër të madh kuotash bosh në universitetet publike. Deri më 27 tetor tha Rama të gjitha kuotat do të plotësohen.

“Kuotat e vëna në dispozicion nga universitetet publike do të jenë deri në fund në dispozicion dhe do të plotësohen, me përjashtim të atyre rasteve kur vetë maturantët do të refuzojnë. Ajo që ka ndodhur dhe po ndodh është pikërisht kjo, me një ndryshim shumë të madh. Vetëm pas pak ditësh do të shikoni çfarë ndryshimi thelbësor ka ndodhur, dhe çfarë cilësie është garantuar në gjithë këtë proces pikërisht për shkak të raundeve dhe të filtrit që bëhet automatikisht nga sistemi duke bërë të mundur diçka që deri dje ishte utopi që të gjithë ata të cilët reshtohen në çdo listë për të filluar jetën universitare rreshtohen sipas meritës së tyre”, tha Rama.

Rama theksoi se ata që mund të mbeten me kuota bosh do të jenë universitetet private. Kryeministri tha më tej se nga viti në vit sistemi do të bëhet edhe më i vështirë. Vitin e ardhshëm tha Rama koha e ankimimit do të jetë më e vogël.

“Ka një shtyrje disaditore për një arsye shumë të thjeshtë objektive, që vitin e ardhshëm do të adresohet duke e kondesuar procesin dhe duke lënë më pak kohë për ankimimet”, tha ai.