Dënohet me 36 vite burg kapiteni i tragetit që u mbyt në brigjet koreane në prill
I akuzuar se braktisi më shumë se 300 pasagjerë në fatin e tyre katastrofik, kapiteni i tragetit koreanojugor që u mbyt në prill në jug të gadishullit u dënua sot me 36 vite burg.
Në përfudim të një procesi maratonë prej pesë muajsh ku parakaluan para sallës së gjyqit të gjitha dëshimtë e tmerrshme të të mbijetuarëve, Lee Joon Seok, 69 vjeç, u njoh si i fajshëm për shumë mos respektime të rënda të detyrës së tij si oficer.
Tre gjyqtarët profesionistë të Gjykatës së Guangjus nuk respektuan kërkesën e prokurorisë, që kishte kërkuar dënimin me vdekje për “vrasje për arsye të rëndë neglizhence”.
“Ne nuk arritëm në përfundimin se i akuzuari e dinte që viktimat do të vdisnin për shkak të ankthit të tyre, as që ai personalisht kishte për qëllim t’i vriste. Për pasojë, akuzat për vrasje ranë posht”, deklaruan magjistratët.
Në 476 pasagjerë të tragetit “Sewol”, 304 vdiqën, ku 250 ishin gjimnazistë të të njëjtës shkollë.
