Dialogu, Meta: Keqardhje që nuk ka avancim

Lëvizja Socialiste për Integrim mblodhi Komitetin Drejtues Kombëtar. Kreu i kësaj partie, Ilir Meta, në fjalën e tij u shpreh i keqardhur që “nuk ka pasur asnjë avancim në kuadër të dialogut politik”.

“LSI-ja ka bërë dhe do të bëjë më të mirën për dialog dhe për zgjedhje të lira e të ndershme. Kolicioni PS-LSI, që fitoi bindshëm para 4 vitesh në kushte të vështira, e ka më të lehtë për të fituar në kushte më normale. Ndaj, nuk duhet parë si çështje force kjo situatë. Duhet parë si çështje tolerance dhe largpamësie”, tha Meta.

“Ne nuk jemi me këtë apo me atë. Ne nuk jemi për të thënë kush ka të drejtë. Nuk duhet bërë luftë se kush është më pro Europës apo Amerikës, por duhet tolerancë. Ai që është më tolerant, është më shqiptar”, shtoi kreu i Kuvendit dhe LSI-së.