Dimas: Nuk kërkoj të zgjidhem president me votat e ”Agimit të artë”

Pas dështimit të dytë për t’u zgjedhur president i Republikës nga parlamenti grek, kandidati i qeverisë, Stavros Dimas, garantoi sot se nuk pranonte të zgjidhej me votat e ”Agimit të artë”.

Kandidati, i paraqitur nga koalicioni i së djathtës dhe socialistëve në postin honorifik të presidentit të Republikës, nuk arriti dot dje, për herën e dytë rresht, të marrë maxhorancën prej 200 votash nga 300 që të mund të zgjidhet.

Nëse 16 votat e ”Agimit të artë” do t’i bashkohen 168 votave të marra të martën, Dimas mund të arrijë maxhorancën e thjeshte prej 180 votash që duhen për të fituar raundin e tretë dhe të fundit.

Në këtë mënyrë edhe qeveria e konservatorit Antonis Samaras do të evitojë një shpërbërje të parlamentit që do të ndiqej nga zgjedhje lejgislative të parakohshme, ku si favorite kryesore shihet partia e së majtës radikale SYRIZA që është kundër masave shtrënguese.