Djali i Tom Hanks ndalohet nga policia

Djali i yllit hollivudian Tom Hanks, Chet, është ndaluar nga policia britanike pasi ka dëmtuar dhomën e hotelit në Londër me një vlerë prej 1200 paund.

Policia është lajmëruar menjëherë nga punonjësit e stafit të hotelit pasi vunë re se televizori ishte përplasur tek muri dhe gotat e thyera ishin në gjithë dhomën.

Chester Hanks, 24-vjeçar, i cili aspiron të bëhet një reper dhe ka pasur probleme me drogën që në moshën 16-vjeçare, gjithashtu raportohet të ketë shqetësuar klientët e tjerë për shkak të zhurmave të larta.

Para se të shkonte në hotel, Chester, është fotografuar në gjendje të dehur në një klub nate duke konsumuar shampanjë dhe vodka.