Dresdeni në pritje të acarimeve, “Pegida” brohorisin “Ne jemi populli”

“Pegida” nuk ka më aq shumë simpatizantë sa në kohën e valës më të madhe të refugjatëve, por në përvjetorin e fillimit të protestave policia pret një pjesëmarrje masive në këto “shetitje”. “Patritotët evropianë që kundërshtojnë islamizimin e Gjermanisë” kanë mbetur megjithatë të kufizuar, vetëm në kryeqytetin e Saksonisë, sepse në pjesët tjera të Gjermanisë nuk ka pasur ndonjë mbështetje serioze. Ky është edhe shkaku pse “Pegida” ka ftuar në shënimin e përvjetorit pikërisht në Dresden.

“Dresden tregohu!”, kundër “Pegidës”

Demonstratat kundësr Pegidës

Deomonstrata e “Pegidës” kësaj radhe nuk do të mbahet të hënën, si zakonisht, sepse qyteti është i zënë me protestan e kundërshtarëve të “Pegidës”, e cila mbahet nën moton  “Dresden tegohu!”. Për këtë ditë janë paralajmëruar protesta të shumta kundër “Pegidës”. Policia ka bërë të ditur se në qytet do të ketë një prezencë të madhe të forcave të sigurisë. Kjo sepse ekziston mundësia e incidenteve, siç kishte edhe me rastin e shenimit të përvojetorit të 26 të ribashimit të Gjermanisë, me 3 tetor, kur simpatizantët e “Pegidës” kanë ofenduar rëndë edhe presidentin Joachim Gauck udhe Kancelaren Angela Merkel.

“Pegida” brohorisin “Ne jemi populli”, si në kohën e protestave kundër regjimit SED në Gjermaninë Lindore. Ata besojnë në këtë traditë dhe duan një “rezistencë” kundër “tradhëtarëve” dhe “diktaturës Merkel”, e cila “do të asgjësojë kombin” dhe me “shtypin e rrenave” po i shërben regjimit të urrejtur të SHBA-së.

Patrioti nga Tenerifa

Pegida kundër fesë islame

Ata thonë se “ata që nuk e duan Gjermaninë, duhet të largohen nga Gjermania”. Koka e “Pegidës” është Lutz Bachmann. Por nuk është e qartë se si i formulon ai këto kërkesa. Sepse shefi i “patriotëve” gjermanë është zhvendosur ndërkohë dhe jeton në Tenerifa të Spanjës. Bachmann duket se megjithatë ende ka shumë mbështetës, sepse i ka mbijetuar dy përçarje në krye të kësaj lëvizjeje. Përçarja e parë ndodhi në janar 2015, ku në Facebook u bë publike një fotografi e tij në pozën e Hitlerit. Për këtë foto u denuar në shkallën e parë gjyqësore. Ndërsa së fundi ka ndodhur edhe përçarja me Tatjana Festerling, me kandidaten për kryetare të bashkisë në Dresden, me të cilën akuzohet për shpërdorime financiare dhe dallime në ideologji.