Durrës-Krujë, asgjësohen 172 rrënjë kanabis pa pronarë

olicia e Durrësit ka asgjësuar 172 bimë narkotike kanabis sativa dhe procedoi penalisht shtetasit; R. M. 61 vjeç, banues në fshatin, Kryeplak i fshatit Shetaj; E. C. 28 vjeç dhe A.Ç. 30 vjeç, që të dy inspektorë të Shërbimit Pyjor Durrës.

Gjatë kontrollit të ushtruar nga uniformat blu, në fshatin Shetaj, në vendin e quajtur degëzimi  “Përroi i Mullirit”, u gjetën dhe asgjësuan me anë të djegies 40 bimë narkotike të dyshuara të llojit kanabis sativa. Vijon puna për zbulimin e autorëve të tjerë të përfshirë në këtë veprimtari kriminale.

Gjithashtu, nga kontrollet e ushtruara në fshatin Mallkuq të Krujës, në vendin e quajtur “Përroi i Sharrit”, u gjetën dhe asgjësuan me anë të djegies 132 fidanë kanabis sativa. Po punohet për identifikimin dhe kapjen e autorëve. Materialet i kaluan Prokurorisë për veprime të mëtejshme për veprën penale” Kultivimi i bimëve narkotike”.