E rrallë/ Pronarët milionerë të pallateve të Diga e Liqenit protestojnë në Bashki

Pronarët e 5 pallateve te Diga e Liqenit kanë protestuar sot para Bashkisë së Tiranës. Në ndihmë u kishte ardhur edhe kompania “Gener 2”, e cila kishte nxjerrë në protestë gjithë punëtorët e saj, të pajisur me pankarta e banderola.

Si për ironi, pronarët dhe punonjësit e “Gener 2” kërkonin drejtësi, në një kohë kur është Bashkia e Tiranes ajo që ka kërkuar ndryshimin e trupës së gjyqtarëve që po gjykojnë çështjen, pikërisht sepse dyshon për lidhje të tyre me aksionerë të kompanisë.

Gjykata Administrative e Apelit pritet të japë nesër një vendim për ndryshimin ose jo të tre gjyqtarëve.