“Është një krim seksual”

Jennifer Lawrence ka sulmuar hakersat të cilët vodhën fotot e saj nudo dhe i publikuan në internet duke e konsideruar këtë gjë si një “krim seksual”.

Në një intervistë për revistën ‘Vanity Fair’, aktorja 24-vjeçare fituese e çmimit Oscar foli për herë të parë për skandalin që e pa të përfshirë së bashku me qindra VIP-a të tjerë.

“Nuk është skandal, është një krim seksual. Është një dhunim seksual. Duhen ndryshuar ligjet”, tha aktorja e famshme.

Protagonistja e sagës ‘The Hunger Games’ theksoi se fotot i kishte bërë për ish të dashurin e saj. Edhe pse nuk ia përmendi emrin, mendohet se bëhet fjalë për aktorin Nicholas Hoult.

“Kam pasur një lidhje të mrekullueshme për katër vite. Ishim larg dhe ka dy mundësi: i dashuri ose të sheh ty, ose sheh porno”, shtoi Lawrence.