Fabrikimi i atentatit; çështja “Doshi-Frroku-Bami” i kalohet Gjykatës Kushtetuese

Dosja penale Doshi-Frroku-Bami do të jetë objekt shqyrtimi në Gjykatën Kushtetuese. Ky është vendimi i Gjykatës së Lartë, e cila ia dërgoi çështjen e shumëpërfolur Gjykatës Kushtetuese.

Shkak u bë pozita e dy të pandehurve, ish-deputetit Mark Frroku dhe shtetasit Durim Bami, të cilët janë qytetarë të thjeshtë. Por, meqënëse ata janë dërguar për t’u gjykuar në juridiksionin fillestar në Gjykatën e Lartë për shkak të pozitës si deputet i Kuvendit, Gjykata e Lartë shikoi si të interpretueshëm mohimin e së drejtës për të apeluar vendimin. Në nisje të seancës ishte vetë relatori i trupës gjyqësore Ardian Nuni, i cili pyeti palët nëse bie ndesh legjislacioni penal në këtë rast me Kushtetutën.

Por ndërsa prokurorët u shprehën se çështja mes tre të pandehurve është për kallzim të rremë në bashkëpunim, në këtë rast nuk ka mohim të kësaj të drejte. Por avokatët e tre të pandehurve kërkuan që këtë situatë ta sqarojë Gjykata Kushtetuese.

Çka do të thotë se deri sa Gjykata Kushtetuese të shprehet, gjykimi penal qëndron i pezulluar, në një kohë që Prokuroria e Përgjithshme mban qëndrimin se deputeti Tom Doshi, ish-deputeti Mark Frroku dhe Durim Bami në bashkëpunim fabrikuan prova të rreme, sikurse është një video në të cilën flitej për një skenar ekzekutimi kundër Doshit.