Fier, paditen 6 ish-drejtues të Tatimeve për shpërdorim detyre

Drejtoria e Përgjithshme e Tatimeve, ka bërë një kallëzim penal pranë Prokurorisë së Fierit, për 6 ish-drejtues dhe punonjës të Drejtorisë Rajonale Tatimore të Fierit, të akuzuar për shpërdorim detyre.

Kallëzimi u krye pas një auditimi në lidhje me zbatimin e Legjislacionit tatimor për sa i takon procedurave të rimbursimit të TVSH-së në këtë Drejtori Rajonale, në të cilin rezultoi se gjatë periudhës maj-qershor 2013 është kryer rimbursim i paligjshëm për disa subjekte, ndër to edhe subjekte të lojërave të fatit, dhe në të cilin janë përfshirë ish-drejtori Rajonal T. Allkushi, ish-drejtori i kontrollit E. Allkaj, ish-drejtori i Drejtorisë së Vlerësimit A.Selimaj, ish-përgjegjësja e Sektorit E. Idrizi dhe 2 inspektorët A. Brakaj dhe M.Qorri.