G20-a mbështet një veprim të fortë dhe efikas ndaj ndryshimit klimatik

Vendet më të pasura të planetit mbështesin një veprim të fortë dhe efikas mbi ndryshimin klimaterik dhe Fondin e Gjelbër të OKB-së, njoftuan ata sot në përfundim të mbledhjes së G20-s në Australi

“Ne po mbështesim një aksion të fortë dhe efikas për t’u përballur me ndryshimet klimatike. Ne rikonfirmojmë mbështetjen tonë ndaj mobilizimit të mjeteve financiare për miratimin e këtij Fondi të Gjelbër të OKB-së, për të ndihmuar vendet e varfëra më të ekspozuara, sipas një komunikate përfundimtarë të mbledhjes.

Kjo deklaratë vjen pak para premtimit të Japonisë për të kontribuar me një vlerë prej 1,5 miliardë dollarë në Fondin e Gjelbër të OKB-së, që i shtohet atij të SHBA-së që kishte premtuar një fond prej 3 miliardë dollarë.

Presidenti Barack Obama u tregua i vendosur në çështjen klimatike duke treguar këtë kontribut dje në asutrali, disa ditë pas shpalljes surprizë në Pekin të një marrëveshje mes SHBA-së dhe Kinës mbi angazhime të reja mbi prodhimin e gazit me efekt serrë.

Kryeministri australian, Tony Abbott, pritës i mbledhjes, u tregua shumë i rezervuar në disa pjesë të komunikatës përfundimtare për sa i përket ndryshimit klimatik, të drejtuar nga SHBA-ja dhe BE-ja.