Gazment Bardhi përplaset me Ermonela Felajn: Mbylle moj gore gojën! Gjobaxhie, burri yt ka marrë ryshfet 1.5 mln euro
Kreu i Grupit Parlamentar të Partisë Demokratike Gazment Bardhi është përplasur ashpër me nënkryetaren e Kuvendit Ermonela Felaj.
Bardhi u shpreh se Felaj është një gjobaxhie që ka pushtuar Prokurorinë e Tiranës për t’i vënë gjoba bizneseve, ndërsa kjo e fundit e quajti palaço.
“Palaço, mua më ka thënë kryemafiozi jot dhe kur vjen nga një hajdute si ty, një gjobaxhie që ke pushtuar Prokurorinë e Tiranës për t’i vënë gjoba biznesit. Yt shoq ka marrë ryshfet 1.5 mln euro nga katër biznese.
Ti je një hajdute gjobaxhie. Je pjesë e dosjes. Ke pushtuar Prokurorinë e Tiranës për t’i vënë gjoba bizneseve, je fasada e inceneratorëve.
Ti dhe një pjesë prej tyre keni shkuar dhe jeni bërë fasadë për inceneratorët. Mbylle moj gore gojën”, deklaroi ai.
“Ata duan t’i japin kohë Ahmetajt që të prishë provat. Rama duhet të vijë që të japë llogari së si po shkojnë negociatat. Duhet të vijë që të japë llogari për udhëtimet e Damian Gjiknurit.
Se kisha vënë një sfidë me Gjiknurin, se më tha o ti, ose unë, dhe vërteto udhëtimet me Mërtirin dhe Zoton. U vërtetuan udhëtimet. Ndaj s’ka ardhur këtu. Më mirë të lërë mandatin”, tha Bardhi.
