Gjykata e Apelit shpall të pafajshëm ish-guvernatorin Ardian Fullani

Gjykata e Apelit ka dhënë pafajësi për ish-guvernatorin e Bankës së Shqipërisë Ardian Fullani, duke lënë në fuqi vendimin e Gjykatës së Shkallës së parë.

Fullani kishte kërkuar pafajësi, duke pranuar vetëm aktet e dosjes, por jo akuzën. Duket se me këtë lëvizje, ish-guvernatori ka kërkuar shpejtimin e dhënies së vendimit brenda pak seancash gjyqësore.

Ish-guvernatori akuzohet për shpërdorim detyre në vjedhjen e 713 milionë lekëve nga Thesari i Shtetit. Ai kishte përfituar gjykim të shkurtuar, por pa pranuar përgjegjësinë në skandalin financiar më të madh në Shqipëri.